Onte día 25 foi o día internacional da non violencia contra a muller. En conmemoración disto deixamos publicados uns videos que amosan moitos aspectos da realidade dos que debemos reflexionar.
Esta semana comezamos unha nova aventura. Dende a nosa biblioteca " A charca de Catuxiña", puxemos en marcha as "mochilas viaxeiras", cargadas de contos e recursos cheos de historias máxicas coas que gozar da lectura en familia.
A mochila viaxará polas casas do alumnado. Cada semana levaraa un neno, tendo 7 días para gozar do seu contido e plasmar as súas experiencias na libreta de recordos coa axuda dos familiares. Podedes facer un debuxo, escribir cousas, pegar fotos...
Desexamos que vos guste a experiencia e coidedes o material.
O primeiro en levar a mochila é Adri. O próximo Luns traeraa de volta e levaraa o seguinte na lista.
“Chega o outono e con él as castañas, as caveiras de melón, os calacús, as abóboras; chegan as augas e os tempos escuros, remata o verán e encétase o inverno, vaise a calor e vén o frío: acaban as romarías ao sol e inícianse os fiadeiros a carón do lume: son os tempos de Samaín.”
Mirade que video tan chulo,e cheo de información nos envía Xian dende Boston.
Damos os nosos agradecementos ós seus papás por colaborar connosco neste proxecto.
Moitísimas gracias ós tres.
Hoxe na asemblea tras ver toda a información que os nenos trouxeron comezamos a falar das viaxes.
Todos temos ilusión por viaxar...Así é, propuxemos facer unha viaxe imaxinaria! Para elexir destino fixemos unha votación. Foron moitas as respostas; Brasil, Madrid, O mar, Vigo,España, Barcelona....
Pero como non, o destino estrela e que gañou por máis puntos foi...BOSTON!!
Hola a todos, comezamos un novo proxecto...AS VIAXES.
Qué mellor xeito para traballar ámbitos da nosa contorna ?...Emprenderemos unha viaxe todos xuntos!
Necesitamos pois información sobre todo o que teña relación co tema;
- A ónde podemos viaxar?
- Cómo podemos viaxar?
- Con quén podemos viaxar?
- Qué fai falta para viaxar?
- Qué medios empregamos para viaxar?
Estas son moitas das preguntas que nos facemos, ás cales queremos dar resposta...
Mirade quen nos mandou unhas fotiños dende a súa nova cidade! Xian mandounos un correo no que nos conta que Boston é unha cidade moi grande, na que a xente fala inglés,e na que hai uns parques xeniais!!Que ben o está pasando! Tamén conta que nos extraña a todos e que nos ve todos os días no blog... Pois dende aquí lle mandamos un bico galego moi moi forte!!